UNICEF: WATOTO NDIO WAHANGA WA MGOGORO BURUNDI

Shirika la Kuhudumia Watoto la Umoja wa Mataifa (Unicef) limesema kuwa athari za mgogoro unaoendelea hivi sasa huko Burundi dhidi ya watoto zinatia wasiwasi mkubwa. 

Unicef limeeleza katika ripoti yake kuwa mgogoro wa Burundi umeifanya hali ya maisha ya raia wa nchi hiyo hususan watoto kuwa ya mashaka zaidi. 

Johannes Wedening Mwakilishi wa Unicef nchini Burundi amesema kuwa watoto waliokuwa wakishiriki kwenye maandamano nchini humo wamejeruhiwa vikali na vikosi vya serikali, jambo ambalo linaashiria namna familia zilivyokandamizwa na vikosi vya usalama vya Burundi. 

Ripoti ya Unicef imeongeza kuwa idadi kadhaa ya shule za Burundi bado zimefungwa kutokana na machafuko. 

Unicef imesisitiza kuwa hali ya mambo ya Burundi hivi sasa imeboreka kwa kiasi kikubwa na kwamba hatua zimepigwa katika kuboresha sekta za afya na tiba nchini. 

Tangu tareheh 26 Aprili mwaka huu Burundi imekuwa ikishuhudia maandamano ya wananchi wanaopinga hatua ya Rais Pierre Nkurunziza wa nchi hiyo ya kuamua kugombea kiti cha urais kwa duru nyingine ya tatu. Watu karibu 70 wameuawa na mamia ya wengine kukimbilia katika nchi jirani kufuatia machafuko hayo.